गोरखाको केरौंजा गाविसमा पहिरोमा पुरिएर तीन जनाको ज्यान गएको छ । केरौंजा–३ फलिङपुमा मंगलबार बिहान झरेको पहिरोमा पुरिएर केरौंजा–४ का १५ वर्षका सन्देश घलेको ज्यान गएको हो । यस्तै केरौंजा–४ कै ३० वर्षकी चीनमाया गुरुङ र ४५ वर्षकी कान्छीमाया गुरुङको पनि शव निकालिएको प्रहरी उपरीक्षक जनकराज पाण्डेयले बाताए । केही दिन अघिको पहिरोले पुरिएको गाउँ जाने मूल बाटो बनाउने क्रममा झरेको पहिरोले उनीहरु पुरिएका हुन् । पहिरोमा पुरिएका तीन जनाको भने उद्धार गरिएको प्रहरीले जनाएको छ ।