अमेरिकी राष्ट्रपति डोनाल्ड ट्रम्पको नाम नोबेल शान्ति पुरस्कारका लागि प्रस्ताव गरिएको समाचार गलत हुन सक्ने नोबेल पुरस्कार समितिले बताएको छ ।

 

नर्वेमा रहेको यस समितिले यस सम्बन्धमा पुलिसमा पनि उजुरी दिएको छ । नोबेल पुरस्कारका लागि ट्रम्पको नाम ‘बलपूर्वक शान्तिका लागि विचारधारा’ को लागि एउटा अज्ञात अमेरिकीले प्रस्ताव गरेको खबर बाहिर आएको थियो ।

 

नोबेल संस्थानका निर्देशक ओलाव नियोलस्टेडले भनेका छन् कि ट्रम्पको नाम दिइएको कुरा साचो नहुन सक्छ । उनले नर्वेकै एक सञ्चारमाध्यममार्फत यो कुरा साचो नभएको र यसको कुनै ठोस प्रमाण नभएको बताएका हुन् । उनले भने, ‘सायद यस्तो फर्जी नाम अघिल्लो वर्ष पनि आएको थियो ।’

 

नोबेल शान्ति पुरस्कारको नामांकन हरेक वर्षको ३१ जनवरीसम्म हुने र विजेताको घोषणा अक्टोबरको सुरुवातमा हुने गर्छ ।