नेपाली कांग्रेसका युवा नेता एवमा नेपालप विद्यार्थी संघका पूर्व अध्यक्ष नैन सिंह महरले प्रवासमा रहेका सबै नेपालीलाई आफनो सीप क्षमता देशको विकास र समृद्धिमा प्रयोग गर्न आग्रह गरेका छन् । 

नेपाली जनसम्पर्क  समिति पोर्चुगल आलेन्तेजोको क्षत्रिय अधिवेसनलाई सम्बोधन गर्दै नेता महरले विदेशमा रहेका ६० लाख भन्दा बढी युवाहरुले आफूमा भएको सीप क्षमता र दक्षता स्वदेशमा प्रयोग गर्ने हो भने मुलुक स्वर्ग हुने धारणा राखे । 

उनले भने, ‘ नेपाल बाहिर बसेर नेपालीका लागि सबैभन्दा प्यारो चिज भनेको आफनै देश हो, आफू जन्मेको, हुर्केको ठाउँ हो । विदेशमा भएपनि तपार्ईहरुको मनमा आफनो कला, संस्कृति, रीतिरिवाज, संस्कार र शभ्यताले जरा गाडेको छ । जीवन यापन सहज बनाउन बाध्यताले विदेश आउनु परेको हो । अब यहाँहरुले आफनो परिश्रम स्वदेशका लागि खर्चिने हो । ’

आफनो सम्बोधनका क्रममा युवा नेता महरले पोर्चुगलको नयाँ कमिटीले यो क्षेत्रमा बस्ने  नेपालीहरुको सुख दुःखमा साथ दिने विश्वास समेत व्यक्त गरे । उनले नेपाली कांग्रेसलाई प्रवासमा बलियो बनाउन नयाँ कमिटीले तन मन धन लगाएर काम गर्ने विश्वाससमेत व्यक्त गरे ।

‘वीपी कोईरालाले भारतको मुम्बईबाट नेपाली जनसम्पर्क समितिको स्थापना गरेर नेपाली कांग्रेस लाई प्रवासमा पनि बलियो पार्नुभयो । यसको थालनी उहाँले गर्नुभएको हो । कोइरालाले प्रवासमा यस्तो समिति बनाउनुको  दुईटा कारण थियो । एउटा राजनीतिक कारण थियो, अर्को पञ्चायती व्यवस्था थियो । कोइरालाको बहुमतको सरकारलाई २०१७  सालमा अपदस्त गरि बीपीलाई जेल हाले पछि नेपालमा प्रजातन्त्रको लडाई अघि बढेको थियो ।  त्यो बेला नेपालको राजतन्त्र र पंचायती ब्यबस्था अन्त्य गरी बहुदलीय व्यवस्था स्थापना गर्न विभिन्न मुलुकहरुमा जनसम्पर्क समितिहरु स्थापना गर्ने प्रचलन चल्यो ।’ महरले भने । 

नेता महरले पञ्चायत कालमा प्रजातान्त्रिक अभियानमा लागेको जो कोहीलाई पासपोर्ट बनाउने अवस्था समेत नरहेको उल्लेख गरे ।  पासपोर्ट समेत नदिने ब्यवस्थाको अन्त्य र विदेशमा रहेका नेपालीहरुको ज्ञान, सीप प्रविधि र क्षमतालाई स्वदेशको हीतमा प्रयोग गर्न कांग्रेसले ठूलो संघर्ष गरेको पनि उनले स्मरण गरे । अहिलेको कम्युनिष्ट सरकार पनि सोही पञ्चायती शैलीले अघि बढेकाले प्रवासमा रहेका साथीहरुले पनि आवाज उठाउनुपर्ने अवस्था आएको उनले बताए ।