असोज – १६ । स्कटल्याण्डमा फुटबल समर्थक बोकेको बस दुर्घटना भएको छ ।  बस सडक दुर्घटनामा परि १ फुटबल समर्थकको निधन भएको छ भने १८ जना गम्भीर घाइते भएका छन् । [caption id="attachment_31008" align="alignleft" width="300"] फाइल फोटो[/caption] स्कटिस प्रिमियर लिगअन्तर्गत घरेलु इब्रक्स रंगशालामा शनिवार साँझ प्याट्रिक थिस्टलविरूद्ध हुने खेल अवलोकन गर्न ग्लास्को रेन्जर्सका समर्थक गाडीमा सवार थिए । तर, बस दिउँसो १ बजेर १५ मिनेट जाँदा पूर्वी एर्सायरको घुँमाउरो बाटोमा दूर्घटनाग्रस्त भएको थियो । स्कटिस प्रहरीका अनुसार ३९ वर्षीय एक समर्थकको घटनास्थलमै निधन भएको छ । घाइते १८ जनामध्ये ३ जनाको अवस्था चिन्ताजनक रहेको बताइएको छ । बसमा ३९ जना सवार थिए । घाइतेमध्ये ७ जनाको उमेर २० वर्षभन्दा मुनी रहेको छ भने, ३ पुरुष र ३ जना महिला ३० देखि ५९ वर्षसम्मका र ५ पुरुष ६० वर्ष माथि रहेको बताइएको छ ।

Bus accident football Nishesh Khanal