असोज २३ । आईसीसी महिला विश्वकप क्रिकेट २०१७ को एसीयाली छनोट प्रतियोगितामा नेपाल आयोजक हङकङसंग ६ विकेटले पराजित भएको छ ।
टस जितेर पहिले ब्याटिङ गरेको नेपालले १९ दशमलब २ ओभरमा सबै विकेट गुमाउंदै ७७ रन बनाएको थियो । नेपालका लागि निर्मला कुमारी शाहीले सर्वाधिक १८ रन बनाइन् भने रविना क्षेत्रीले १२ रन र रश्मी चौलागाइले ११ रन बाहेक अन्य ब्याटसम्यानले दोहोरो अंक छुन सकेनन् । जवाफी व्याटिङ गरेको हङकङले १६ दशमलब ३ बलमा ४ विकेट गुमाउंदै लक्ष्य भेट्टायो ।
हङकङकी नेचुरल यिपले ३३ रन बनाइन् । नेपालकी निर्मलाकुमारी शाहीले दुई विकेट लिइन् । नेपाली महिला क्रिकेट टोली पहिलो पटक अन्तराष्ट्रिय प्रतियोगिताका लागि मैदान उत्रेको हो ।
Cricket
