असोज २८ विश्व फुटबल निकाय फिफाले भ्रष्टाचार काण्डका कारण उत्पन्न भएको संकटबाट माथि उठ्न प्रयासरत रहेको बताएको छ । सबै पक्षको विश्वास लिएर भविष्यको योजना बनाउन लागि परेको फिफाले जनाएको छ ।

फिफाले भ्रष्टाचार काण्डपछिको अवस्था र भविष्यको प्रमुख उद्देश्य समेटिएको योजना ल्याएको छ । यसलाई ‘फिफा २.०’ नाम दिइएको छ । फिफाका अध्यक्ष जानी इन्फान्टिनोले फिफालाई पछ्याउने खालको संस्था बनाउने प्रयासमा आफूहरु लागि परेको बताएका छन् ।

पहिले भन्दा अहिले फिफा बलियो भएको फिफाकी महासचिव फातमा सामोउराले बताइन् । गएको वर्ष फिफा भित्रको भ्रष्टाचारकाण्डमा तत्कालिन अध्यक्ष सेप ब्लाटरसहित धेरै उच्च अधिकारी मुछिएका थिए । फिफाले सन् २०२६ सम्मको योजना बनाएको छ ।

यसमा विश्व फुटबलको विकासमा लगानी बढाउने, महिला खेलाडीको संख्या बढाउने तथा फुटबलमा मानिसको सहभागितालाई वृद्धि गर्ने लक्ष्य राखिएको छ । फिफाको नयाँ योजनामा विश्व जनसंख्याको ६० प्रतिशतलाई फुटबलमा सहभागी गराउने लक्ष्य राखिएको छ । अहिले यो संख्या ४५ प्रतिशत छ ।

त्यस्तै फुटबलको विकास हुँदै गरेको क्षेत्रमा थप चार अर्ब अमेरिकी डलर लगानी गर्ने र महिला फुटबल खेलाडीको संख्या ६ करोड पु¥याउने लक्ष्य लिइएको छ ।

Fifa