कात्तिक २ । काठमाडौंबाट भैरहवा जाँदै गरेको एक बस त्रिशुली नदीमा खसेको छ ।

जिल्ला प्रहरी कार्यालय चितवनले दिएको जानकारी अनुसार लु १ ख ७३९१ नम्बरको बस त्रिशुलीमा खसेको हो  । घटनामा एकको मृत्यु भएको छ भने  नौ जना घाइतेको उद्धार गरिएको छ । दुर्घटनामा मृतकको नाम खुलिसकेको छैन  । जिल्ला प्रहरी कार्यालय चितवनले पनि मृतकबारे पुष्टि गर्न बाँकी छ, । बसमा ११ जना सवार थिए । दुई जना बेपत्ता छन् । नौ जना घाइते भनिएको छ । यद्यपि यकिन विवरण प्राप्त भइनसकेको प्रहरीले जानकारी दिएको छ । घाइतेहरुको चितवनका विभिन्न अस्पताल, मेडिकल कलेजमा उपचारका लागि लगिएको छ ।

घटना मुग्लिगदेखि ९ किलोमिटर दक्षिणतर्फ भएको हो । रिद्दी खोला भन्ने ठाउँबाट बस त्रिशुलीमा खसेको थियो । बसको केही भाग त्रिशुली नदीमा देखिएको छ  । घटनाबारे थप जानकारी आउन बाँकी छ ।