कात्तिक २१ । मोटरसाइकल चोरी गरेर भाग्दै गरेका दुई जनालाई प्रहरीले पक्राउ गरेको छ । कुलेश्वरस्थित सुर्योदय फार्मेसी अगाडि पार्किङ गरी राखेको बा.७४ प ६५४७ नम्बरको मोटरसाइकल चोरी गरी भाग्दै गरेको अवस्थामा कुलेश्वर पुल नजिकबाट कीर्तिपुर नगरपालिका–१२ भत्केको पाटी बस्ने २३ वर्षीय सुरज भुषाल र १९ वर्षीय सुरेन्द्र भुषाललाई मोटरसाइकल सहित पक्राउ गरेको प्रहरीले जनाएको छ । यसैगरी काठमाडौं, तारकेश्वर नगरपालिका–२० मनमैजु बस्ने नुवाकोट थानापति–८ की २४ वर्षीया सावित्री पाठकको कोठाबाट सुनको १ तोलाको सिक्री, मोवाईल १ थान, नगद २० हजार रुपैयाँ गरी करीव ८४ हजार रुपैयाँ बराबरको धनमाल आइतबार चोरी भएको छ । शंकास्पद २० वर्षीय पुरुषलाई अनुसन्धानको लागि प्रहरीले नियन्त्रणमा लिएको जनाएको छ । यसैगरी काठमाडौं चन्द्रागिरी नगरपालिका–१८ सिर्जना चोकस्थित केदार गिरीको घरको दोस्रो तलामा प्रवेश गरी चोरी गर्ने उद्धेश्यले स्टिलको दराज पेन्चिस र रिन्च प्रयोग गरी फुटाउँदै गरेको अवस्थामा सुनसरी रामगंगा–३ का सरोज गुरुङलाई घरधनी गिरीले फेला पारी समातेर प्रहरीलाई खबर गरेपछि महानगरीय प्रहरी प्रभाग बलम्बुको प्रहरीले गुरुङलाई पक्राउ गरेको छ ।

chorda chordai pakrau motercycle