कात्तिक २४ । नवनिर्वाचित अमेरिकी राष्ट्रपति डोनाल्ड ट्रम्पले अब सबै अमेरिकी एकजुट हुने बेला आएको बताएका छन् । अमेरिकाको ४५ औं राष्ट्रपति निर्वाचित भएपछि पहिलोपटक सम्बोधन गर्दै ट्रम्पले भने, यो विजय ऐतिहासिक हो । सबै अमेरिकीको यो जित हो ।’ आफूलाई राष्ट्रपतिको निर्वाचनमा विजयी बनाउन परिवारको निकै ठूलो हात रहेको भन्दै ट्रम्पले भने, उहाँहरु सबैले निकै मेहनत गर्नु भएको छ । उनले सबै अमेरिकी मतदाताप्रति आभार व्यक्त गर्दै भने, निर्वाचनको अवधिमा मलाई समर्थन गर्ने नगर्ने तथा मत दिने नदिने सबै प्रति सम्मान व्यक्त गर्न चाहान्छु ।’ उनले अब डेम्रोक्रेट र रिपब्लिकन सबै मिलेर अमेरिकालाई थप समृद्ध र सुरक्षित बनाउन लाग्नुपर्ने बताए । पूर्वाधार निर्माण अभियानलाई तीव्र पार्ने बताउँदै उनले भने, अमेरिकी अर्थतन्त्रलाई विश्वकै सबैभन्दा बलियो अर्थतन्त्र बनाउनेछौं ।उनले भने, हामीसँग विशाल आर्थिक योजना छ । हामी वृद्धिलाई दोब्बर बनाउने छौं । उनले आफ्नो पहिलो प्राथमिकता अमेरिकीहरुको हित र हकका लागि हुने बताए । विशेष सम्बोधनको अन्त्यमा ट्रम्पले भने 'आई लभ दीस कन्ट्री' (म यो देशलाई माया गर्छु)।’

americi aak hune bela aayo Donald Trump