डोनल्ड जोन ट्रम्प एक अमेरिकी व्यवसायी, टेलिभिजन व्यक्तित्व र रिपब्लीकन पार्टीका नेता हुनुका साथै हालैकाे निर्वाचनबाट हिलारी क्लिन्टनलाई पछि पार्दै राष्ट्रपतिकाे उमेद्वार बन्न सफल भए। ट्रम्प र विपक्षी नेता हिलारीबीच कडा प्रतिस्पर्धा चल्यो । ट्रम्प चुनावी सर्वेक्षणलाई गलत सावित गर्दै उनी व्हाइट हाउस छिर्न सफल भए । उनले हिलारीलाई ६० इलेक्ट्रोरल मतले जितेका हुन् । ट्रम्पले २७८ र हिलारीले २१८ इलेक्ट्रोरल मत पाएकी छन् । राष्ट्रपतिको जितका लागि कुल ५ सय ३८ इलेक्ट्रोरल मतमध्ये बहुमत संख्या अर्थात् २ सय ७० मत आवश्यक थियो । उनीलाई अमेरिकाको प्रतिष्ठित फोब्र्स म्यागजिनले सन् २०११ मा फ्ब्र्स सेलिब्रेटिको १००औँ स्थानमा राखेको थियो । आफ्नो करियरको शिलशिलामा ट्रम्पले अफिस टावर, होटल, क्यासीनो, र अन्य ब्राण्डेड सुविधा विश्वभर फौलाएका थिए । ट्रम्प सन् १९४६ जुन १४ मा जमाइकामा जन्मेका हुन् । पाँच छोराछोरीमध्येमा डोनाल्ड ट्रम्प सबैभन्दा कान्छा हुन् । ट्रम्प अमेरिकाको न्यूयोर्कमा जन्मे हुर्केका हुन् । उनी १३ वर्षको उमेरमा न्यूयोर्क मिलिटारी अकेडेमीमा भर्ना भएका थिए । त्यस्तै उनले वार्टन स्कुल अफ यूनिभर्सिटि अफ पेन्स्लिभानीयाबाट अर्थतन्त्रमा ब्याचलर्स डिग्री गरेका छन् । उनका दाजु फ्रेड सन् १९८१ मा मदिरा सेवनका कारण ज्यान गुमाएका थिए । त्यसैको प्रभावले ट्रम्पले अहिलेसम्म पनि धुम्रपान र मदिरापान गरेका छैनन् । ट्रम्पका बाबु जर्मन अरिजिन हुन् भने आमा स्कटिस अरिजिन । अर्थात ट्रम्पका बाबुका पुर्खा जर्मनी थिए र आमाका भने स्कटिस् । उनका पिता फ्रेड ट्रम्प क्वीन्समा जन्मेका थिए । उनका पिता न्यू योर्क सिटिकै सबभन्दा ठूला व्यवसायी थिए । उनकी आमा मेरी ट्रम्प स्कटल्यान्डमा जन्मेकी हुन् । ट्रम्पका पिता फ्रेड र आमा मेरिले सन् १९३६ मा न्यू योर्कमा विवाह गरे र क्वीन्समा बस्न थालेका हुन् । ट्रम्पका काका जोन जर्ज ट्रम्प मस्साचुसेट्स इन्स्टीट्युट अफ् टेक्नोलोजीका १९३६ देखि १९७३ सम्म प्रोफेसर थिए । दास्रो विश्व युद्धको सहयोगीहरुको लागि राडारकाे अनुसन्धान गर्ने गर्थे ।

America Donald Trumnp Donald Trump