एजेन्सी– ८ नोभेम्बर २०१६ मा जापानको सहर फुकुओकाको एउटा सडकमा ५० फिटको गहिरो खाडल पर्यो । अत्याधुनिक सडकबीचमा परेको खाडल आफैमा अनौठो थियो ।

अपत्यारिलो तर सत्य घटना थियो त्यो । धेरै सञ्चारमाध्यममा जापानको सडकमा बनेको खाडलले स्थान पायो । खाडल पछि जापानको जिम्मेवार निकायले त्यसको मर्मत शुरु गर्यो ।

सडकमा खाडल पर्दा पानीको पाइप, ढलको पाइप, ग्यासको पाइप, इन्टरनेट लगायतका धेरै संरचनाहरुमा क्षति पुगेको थियो । तर जापानीहरुले रात दिन नभनी मर्मत गरे । सात दिनमा त त्यो खाडल पहिलेको जस्तै सडकमा परिवर्तन भयो । अहिले हेर्दा यस्तो लाग्छ, मानौ त्यहाँ केही भएकै थिएन ।

यो चमत्कार देखेर अमेरिकी टेलिभिजन सिएनएनले समेत अपत्यारिलो खबर भनेर समाचार प्रशारण गर्यो । यस्तो खाल्डो नेपालमा बनेको भए कति समयमा बनिसक्थ्यो होला ?