जापानमा मंगलबार बिहानै शक्तिशाली भूकम्प गएको छ । नेपाली समय अनुसार आज बिहान पौने तीन बजे जापानको उत्तरपूर्वी प्रान्त फुकुशिमा केन्द्रविन्दु भएर ७ दशमलव ४ रेक्टर स्केलको भूकम्प गएको हो । यो जापानको भूकम्प मापन केन्द्रको तथ्यांक हो । भूकम्पले न्यूक्लियर पावर प्लान्टमा पनि क्षत पुर्याएको छ । भूकम्पपछि खतरानक सुनामी आउने चेतावनी जापानी भूगर्भविदहरुले दिएका छन् ।

विज्ञहरुले तीन मिटर अग्लो समुद्री छाल आउन सक्ने भन्दा तटीय क्षेत्रका बासिन्दालाई सुरक्षित स्थानमा जान आग्रह गरेको छ । भूकम्पको धक्का राजधानी टोकियोसहित अरु विभिन्न शहरमा पनि महसुस भएको थियो । भूकम्पले नोक्सानी गरेको हुन सक्ने आशंकामा टोकियोको विद्युत सेवामा जाँच भइरहेको छ ।

फुकुशिमा उर्जा प्लान्टको अवस्था निगरानी गर्न सरकारले विशेष टाक्सफोर्स खटाएको छ । अहिलेसम्म खतराको शंकेत भने देखिएको छैन । अहिलेसम्म भूकम्पका कारण भौतिक तथा मानवीय भएको खबर नआएको जापानको सरकारी सञ्चारमाध्यम एनएचकेले जनाएको छ । जापान भूकम्पको उच्च जोखिम रहेको क्षेत्रमा पर्छ ।

विश्वमा जाने ६ रेक्टर वा त्यो भन्दा माथिका भूकम्प मध्ये २० प्रतिशत जापानमा जान्छ । सन् २०११ मा भूकम्पपछि आएको ठूलो सुनामीका कारण फुकुशिमामा रहेको आणविक उर्जा प्लान्टमा क्षति पुगेको थियो । त्यसबेला १८ हजार भन्दा धेरैको ज्यान गएको थियो । गएको अप्रिलमा जापानको दक्षिणी क्षेत्र कुमामोटोमा गएको भूकम्पमा परि ५० जना भन्दा धेरैको ज्यान गएको थियो ।

सुनामीको लाइभ स्ट्रिमिङको तयारी एविसन्यूज र याहु न्यूजले गरेका छन् । त्यो हेर्न तलको लिंकमा जानुहोस् ।