अमेरिकाको ओक्लोहमामा अध्ययनरत २० बर्षिय छोरी निशा कार्कीलाई गुमाएकी कल्पनाका लागि टेक्सस नेपाली समाजले ३२ लाख रुपैयाँ सहयोग पठाएको छ । समाजले नोभेम्बर १५ मा निशाको निधन भएलगत्तै अनलाइन सहयोग अभियान थालेको थियो । समाजका अध्यक्ष कृष्ण लामिछानेका अनुसार कर कट्टा गरी ३२ लाख २४ हजार ३ सय ४१ रुपैयाँ अमेरिकाको बैँकमार्फत नेपाल पठाइएको हो । एकमात्र सन्तान निशालाई गुमाएकी कल्पनाले छोरीको मुख हेर्ने अन्तिम ईच्छा रहेको भन्दै नेपालआज मार्फत पुकारा गरेकी थिइन् । उनको ईच्छा बमोजिम निशाको शब काठमाडौँ पठाइएको थियो । शब पठाउने व्यवस्थापनि नेपाली समाज टेक्ससले गरेको थियो । नर्सिङ अध्ययन गर्न अमेरिका पुगेकी निशालाई कल्पनाले दुःखले हुर्काएकी थिइन् । निशा सानै छँदा कल्पनाले श्रीमान गुमाएकी थिइन् । धादिङकी कल्पनाले काठमाडौँमा मजदुरी गरी छोरी हुर्काएकी थिइन् ।

र यो पनि

अर्धचेत कल्पना बरबराइरहेकी छिन्, ‘मेरो बिन्ती ! छोरी निशाको मुख हेर्न देऊ’ [भिडियोसहित] कल्पनाका लागि ३० लाख सहयोग उठ्यो, श्रद्धान्जली कार्यक्रमपछि निशाको शब नेपाल पठाइने अमेरिकामा अर्का नेपालीको निधन, शोकाकुल परिवारका लागि नेपाली समाजको सहयोग

America kalpana karki krishna lamichhane nisha