क्रिकेटमा रेड कार्ड, फुटबलमा भिडियो रिभ्यू
फुटबलमा पनि अब क्रिकेटमा जसरी जटील परिस्थितिमा रेफ्रिले भिडियो रिप्लेका आधारमा आफ्नो निर्णय पुनःरावलोकन गर्न सक्ने भएका छन् ।
विश्व फुटबलले भिडियो रिभ्यूको सुविधा जापानमा आगामी बिहीबारदेखि हुन फिफा कलब विश्वकप मार्फत सुरु गरिने छ । मैदानसँगै रहेको मनिटरबाट भिडियो हेरेर निर्णय परिवर्तन गर्न सकिन सुविधा फुटबलमा पनि सुरु हुन लागेको हो ।
‘म्याच चेन्जिङ’ परिस्थितिमा मैदानमा रहेका अफिसियलबाट अनुरोध आएपछि भिडियो असिस्टेन्ट रेफ्रीले रिभ्यू गर्न सक्नेछन् । यो बर्ष यसअघि दुई अन्तर्रा्ष्ट्रिय मैत्रीपूर्ण खेलमा भिडियो रिभ्यूको परीक्षण गरिएको थियो र पहिलो पटक फिफाको आधिकारिक प्रतियोगितामा यसलाई लागू गर्न लागिएको हो ।
तर, यो प्रणाली लागू भएपनि खेलको अन्तिम निर्णय भने फिल्डको मूख्य रेफ्रीसँगै निहीत हुनेछ । यद्यपि जटील परिस्थितिमा यो प्रणालीले रेफ्रीको गल्ती सुधार्ने मौका दिनेछ ।
क्रिकेटमा रेड कार्ड यसै सन्दर्भमा क्रिकेटमा पनि फुटबलको जस्तो नियम आउने भएको छ । क्रिकेटमा अर्को वर्षबाट रातो कार्ड प्रयोग हुने भएको छ । खेलाडीले गम्भीर अनुशासन उल्लंघन गरेमा अम्पायरले रातो कार्ड दिएर खेलाडीलाई खेलबाट हटाउन सक्नेछन् ।
एम्सीसी विश्व क्रिकेट कमिटीका सदस्य रिकी पोन्टिङले तल्लो लेभलको क्रिकेटमा परिवर्तनबारे कुराकानी भइरहेको बताएका छन् । यो कमिटीले रन पेनाल्टीलगायतका अरु नियमबारे समेत छलफल गरिरहेको पोन्टिङले बताए ।
बीबीसीका अनुसार उक्त नयाँ नियम एसीसीसीको मुख्य कमिटीले अनुमोदन गरेमा २०१७ अक्टोबर १ बाट सबै लेभलको क्रिकेटमा लागू हुनेछ ।
प्रस्तावअनुसार तीन गल्तीमा खेलाडीले रातो कार्ड पाउन सक्छन् । खेलाडी, अम्पायर, अफिसियल वा दर्शकमाथि आक्रमण गरेमा वा मैदानमा हिंसाजन्य अन्य कुनै काम गरेमा रातो कार्ड दिइनेछ ।
क्रिकेट
फुटबल
भिडियो रिप्ले
रेड कार्ड
