मंसिर २८ । सिरियाको पल्माइरा शहरमा सिरियाली सेनाले गरेको हवाई आक्रमण र विषालु ग्यास हमलाका कारण ५० जना मारिएका छन् । इस्लामिक अतिवादी समूह आईएसले पल्माइरामा पुनः कब्जा जमाएपछि सरकारी सेनाले उक्त क्षेमा हमला गरेको हो ।

सेनाको आक्रमणपछि पल्माइरा नजिकको हामा शहरमा ५० जना आइएस कार्यकर्ताको शव फेला परेको सिरियाली मानवअधिकारवादी संस्थाले जनाएको छ ।

गत मार्चमा रुसी र सिरियाली सेनाले कारबाही गरेपछि आईएसका कार्यकर्ता पल्माइरा शहर छाडेर गएका थिए । तर केही दिनअघि पुनः उनीहरु आएर पल्माइरालाई कब्जामा लिएका हुन् । सिरियाको ऐतिहासिक शहर पल्माइराका अधिकांश धरोहर आईएसले नष्ट गरेको थियो ।

Siriya