पछिल्लो समय आन्तरिक समस्याका साथसाथै घाटामा चलिरहेको साझा प्रकाशनलाई सरकारले ३० करोड रुपैयाँ सुलभ ऋण दिएको छ । अध्यक्ष तथा महाप्रबन्धक डोलिन्द्र शर्माले सरकारले गरेको सहयोगका कारण साझा प्रकाशनले गति लिने बताउँछन् । धरासायी बन्दै गरेको प्रकाशनलाई सरकारको सहयोगले बचाएको उनको भनाइ छ । अध्यक्ष शर्माले विगतमा साझामा बसेर भ्रष्टाचार गर्नेहरुको नामावली प्रकाशित गर्ने वाचा गरेका छन् । ‘हामी बाचुञ्जेल यहाँ बसेर खाइराख्नु पर्छ, यहाँ भएका गतिविधिहरुको अडिट पनि गर्नु हुँदैन भन्ने मनासयले साझा यो अवस्थामा आइपुगेको हो । साझालाई दुरावस्थामा पु¥याउनेको फेहरिस्त सार्वजनिक गर्छु ।’ नेपाल आजसँगको कुराकानीमा शर्माले भने । उनले फहेरिस्त सार्वजनिक गर्न २ महिना लाग्ने जनाए । संस्था भित्रकै आन्तरिक समस्याका कारण संस्था घाटामा चलिरहेको शर्माले दाबी गरे । सरकारले गरेको ऋण सहयोगबाट संस्थालाई माथि उठाइछाड्ने उनले प्रतिबद्धता व्यक्त गरे । ०५ वर्षको कालखण्डमा साझा प्रकाशनले गरेका सम्पूर्ण गतिविधीललाई सूक्ष्म रुपमा मूल्यांकन गर्र्ने काम अहिलेको सरकारबाट भएको शर्माको ठम्याइ छ ।

र यो पनि

► अध्यक्षले नै यसो भनेपछि साझा प्रकाशनमा कति भ्रष्टाचार भए होला ! (भिडियो सहित)

sajha prakash to reveal corrupt employee Sajha Prakashan