पुस ११ । नेपालको आर्थिक केन्द्र तथा मोबाइल हबको रुपमा चिनिने पाको, न्युरोड क्षेत्रमा आयोजना हुने ‘न्यूरोड मोबाइल महोत्सव २०७३’ को तयारी पुरा भएको छ । नेपालकै सम्पूर्ण मोबाइल व्यवसायीहरुलाई समेटिएको नेपाल मोबाइल व्यवसायी संघले यही पुस १३ देखि पुस १९ गतेसम्म न्युरोड मोबाइल महोत्सव आयोजना हुने भएको छ । यो महोत्सवमा सबै मोबाइल ब्रान्डको सहभागिता रहेको र अंग्रेजी नयाँ वर्षको अवसरमा मोबाइल खरिदकर्ताहरुलाई अधिकतम छुट दिइन लागिएको हो । नेपाल मोबाइल व्यवसायी संघ मोबाइलको क्षेत्रमा आबद्ध व्यवसायीहरुको सबैभन्दा ठूलो र पुरानो संस्था हो । यस संघमा हाल पाँच सयभन्दा बढी खुद्रा विक्रेताको आबद्धता छ । महोत्सवको अवसर पारेर अन्तर्रा्ष्ट्रिय मोबाइल ब्रान्ड जोप्पो र लिएगो मोबाइल ब्रान्डहरुले औपचारिकरुपमा बिक्री सुरु गर्ने जनाइएको छ । महोत्सवको अवधिभर मोबाइल बजारको विभिन्न स्थानहरुमा फुड जोन, किड्स जोन, गेमिंग जोन ग्राहकहरुका लागि राखिनेछ भने हरेक मोबाइलको खरिदमा विशेष छुट दिने बताइएको छ ।  

mobile mahotsab