काठमाडाैँ, ५ ,जेठ ,बिहीबारबार हुने अन्तराष्ट्रिय बौद्ध सम्मेलनमा सहभागि हुन चिनियाँ उच्च बुद्धिष्ट धार्मिक नेतासहित भिक्षुको टोली काठमाडौँ आएको छ । पर्यटन मन्त्रालयका अनुसार चिनियाँ बुद्धिष्ट एसोसियसनका उपाध्यक्ष रहेका भेनेरेवल मास्टर यिन सन् नेतृत्वको टोली काठमाडौं आएको छ । उक्त  टाेलीलाई पर्यटन र परराष्ट्र मन्त्रालयका अधिकारीहरुले विमानस्थलको विशिष्ट कक्षमा स्वागत गरे । उनी चिनियाँ मन्त्री भन्दा माथिल्लो तहमा पर्ने धार्मिक नेता हुन् । बुद्धिष्ट एसोसिएसनका उपाध्यक्षसहितकोे २६ सदस्यीय टोलीलाई चिनियाँ दूतावासको संयोजनमा काठमाडौँमा बस्ने व्यवस्था मिलाइएको छ । सन् १९७४ मा हुवेई प्रान्तमा जन्मेका उनी हाइनान प्रान्तका बुद्धिष्ट एसोसिएसनका अध्यक्ष हुन् । उनी चिनियाँ कम्युनिस्ट पार्टीको ग्वाङ्डोङ् प्रान्तको स्थायी समिति सदस्य तथा सेन्झेनस्थित होङ्फा र हाइनानस्थित नान्सा बुद्ध मन्दिरका प्रमुख हुन् ।नेपालस्थित झोङहुवा बुद्ध मन्दिरका समभेत उनी प्रमुख छन् । चीनको साउथ चाइना सी रणनीति अघि बढाउन उनको योगदान छ । पर्यटन मन्त्रालयका अनुसार विभिन्न देशका गरी ३८ जना उक्त सम्मेलनका लागि सोमबार काठमाडौं आएका छन् । बुधबार पनि विदेशी पाहुना आउनेछन् ।आजको अन्नपूर्णमा समाचार छ