माओवादी पृष्ठभूमीका दश सानाठूला पार्टी र घटकका बीचमा एकता भएको छ । एकीकृत नेकपा माओवादी, नेकपा क्रान्तिकारी माओवादी, नेकपा माओवादीलगायतका पार्टीका बीचमा एकता भइ नेकपा माओवादी केन्द्र गठन भएको छ । केन्द्रको अध्यक्षमा पुष्पकमल दाहाल प्रचण्ड चुनिएका छन् । योसंगै धेरै पार्टीको नेतृत्व गर्ने नेताकारुपमा प्रचण्डको रेकर्ड कायम भएको छ । नेकपा चौथो महाधिवेशनबाट अलग भइ बनेको नेकपा माओवादी नेकपा माओवादी केन्द्रमा रुपान्तरण भएको छ । नेकपा मशालदेखि केन्द्रसम्मको मुख्य नेतृत्वमा प्रचण्ड नै रहदै आएका छन् । यतिधेरै पार्टीको नेतृत्व अन्य नेताले गर्ने अवसर पाएका छैनन् । प्रचण्डले एकता समारोहमा आफ्नो जीबनमा विरलै देखिने संयोग आइपरेको भन्दै आफ्नो राजनीतिक इतिहासको विश्लेषण गरेका थिए । उनले माओवादीहरुको विजयको यात्रा शुरु भएको घोषणा गरेका छन् । माओवादी केन्द्रकोे वंशावली यस्तो छ ।

१) नेकपा (चौथो महाधिवेशन) २) नेकपा (मशाल) ३) नेकपा (एकता–केन्द्र) ४) नेकपा (माओवादी) ५) एकीकृत नेकपा (माओवादी) ६) नेकपा (माओवादी–केन्द्र)