अख्तियार दुरुपयोग अनुसन्धान आयोगले जिल्ला शिक्षा कार्यालय सप्तरीमा कार्यरत प्राविधिक सहायक बिरेन्द्र कुमार कुशैतलाई ४० हजार घुस लिएको आरोपमा नियन्त्रणमा लिएको छ । जिल्ला शिक्षा कार्यालय सप्तरीमा कार्यरत प्राविधिक सहायक बिरेन्द्र कुमार कुशैतले अन्तर–जिल्ला सरुवा जान अनुमतिको लागि पीडितसँग घुस मागेका थिए ।

बिरेन्द्रले घुस मागेको भन्ने उजुरी आधारमा अख्तियार दुरुपयोग अनुसन्धान आयोगको सम्पर्क कार्यालय ईटहरी उनलाई पक्राउ गरेको हो । आयोगको टोलीले घुस बापत रु. ४० हजार लिईसकेको अवस्थामा प्राविधिक सहायक बिरेन्द्र कुमार कुशैतलाई जिल्ला सप्तरी राजविराज न.पा. ०८ भट्टाटोल स्थित निजको कोठाबाट रङ्गेहात पक्राउ गरी थप अनुसन्धान कार्य भईरहेको छ जनाएको छ ।