अमेरिकी सेनाको हवाई कारबाहीको क्रममा अफगानिस्तानको सशस्त्र विद्रोही संगठनका तालिवानका नेता मुल्लाह अख्तर मन्सुरमा मारिएको तालिवान संगठनले पुष्टि गरेको छ । [caption id="attachment_2210" align="alignnone" width="556"] File Photo[/caption] उनीहरुले आफ्नो वेभसाइटमा मुल्लाह मारिएको समाचारको आधिकारिकताको समाचार राखेका छन् । मुल्लाह अमेरिकी हवाई कारबाहीको क्रममा पाकिस्तानमा मारिएका हुन् । उनको हत्याको समाचार अमेरिकी सेनाले दिएको थियो । गतहप्ता भएको सो घटनाको पुष्टि हुन भने बाँकी थियो । उक्त समाचारको पुष्टि हुन बाँकी रहेको भनी अफगान सरकारले सुरुमा प्रतिक्रिया दिएको थियो । तर पछि लगत्तै उसले सो समाचारको पुष्टि गरेकोे थियो । तालिवान संगठनले अफगानस्तिानमा विगतका वर्षहरुदेखि सशस्त्र विद्रोह र हिंसा मच्चाइरहेका थिए । सो संगठनका मुख्य नेताको मृत्युको समाचार केही दिनयतादेखि विभिन्न सञ्चारमाध्यममा आएको थियो । अफगान तालिवानहरुको संगठनले भने आधिकारिक रुपमा उक्त समाचारका बारेमा कुनै प्रतिक्रिया दिएको थिएन । उता अमेरिकी राष्ट्रपति बाराक ओबामाले भने सो समाचारको गतहप्ता नै पुष्टि गरेका थिए । अमेरिकी राष्ट्रपति ओबामाले मन्सुर मारिएको समाचार साँचो भएको अन्तर्राष्ट्रिय समाचार संस्थाहरुले जनाएका थिए । अफगान सरकारले पनि यहाँका नागरिकको शान्तिको चाहनालाई सम्मान गर्नुको सट्टा मुल्लाह र उनका कमाण्डरहरुले अफगानिस्तानमा हत्या हिंसालाई नै निरन्तरता दिन खोजेको बताएको थियो । उनको निधनसँगै अब अर्काे नेताको चयनका बारेमा पनि सो संगठनले प्रक्रिया अघि बढाएको बताएको छ । मुल्लाहको मृत्यु अफगानिस्तानमा शान्ति स्थापनाका लागि एक महत्वपूर्ण उपलब्धि भएको टिप्पणी अमेरिकी राष्ट्रपति ओबामाले गरे । रासस÷एएफपी