काठमाडौं जेठ १५। सरकारले आगामी आर्थिक वर्षका लागि भूकम्पपछिको पुनर्निर्माण गर्न १ खर्ब ४० अर्ब ६६ करोड रुपैयाँ बजेट विनियोजन गरेको छ । आवश्यक परे थप रकम पनि दिन सरकार तयार रहेको अर्थमन्त्री विष्णु पौडेलले बताए ।  गत वर्ष सरकारले बजेटमार्फत ७४ अर्ब रुपैयाँ र मन्त्रालयगतरुपमा १७ अर्ब गरी कुल ९१ अर्ब रुपैयाँ बजेट रुपैयाँ बजेट बजेट विनियोजन गरेको थियो । जसमध्ये हालसम्म करिब ७ अर्ब रुपैयाँ मात्रै खर्च भएको छ । भूकम्पपछिको पुनर्निर्माण गर्न ८ खर्ब १३ अर्ब रुपैयाँ लाग्ने अर्थमन्त्रीले बताए । यसका साथै भूकम्प पीडितहरुलाई सामुहिक जमानतमा थप ३ लाख रुपैयाँ बजेट दिने व्यवस्था गरिएको उनले बताए । त्यसैगरी, आगामी २ वर्षभित्र शिक्षा र स्वास्थ्यसम्बन्धी संरचनाको पुनर्निर्माण गरिसक्ने र पाँच वर्षमा सबै संरचनाहरु बनाइसक्ने अर्थमन्त्रीले घोषणा गरे ।

bhukampa pachiko punanirman