काठमाडौंः वीरगन्जको उद्योगी सुरेश केडियालाई बिहारको जेलका एक बन्दीको योजनामा अपहरण गरेको खुलासा भएकाे छ । [caption id="attachment_3070" align="alignnone" width="600"] ANI[/caption] केडियालाई नेपाल र भारतका सुरक्षाकर्मीले सकुशल अपहरणमुक्त गरेपछि यो तथ्य बाहिर आएको हो । नेपालबाटै पक्राउ गरी भारत बुझाइएका बब्बुु दुबेले जेलभित्रैबाट योजना बनाएकाे र केडियाको अपहरण गर्न नेपाली र भारतीय समूह प्रयाेग गरेकाे प्रहरी अनुसन्धानबाट खुलेको हो । एसएसपी सर्बेन्द्र खनाल दुबेलाई पक्राउ गरि भारतीय प्रहरीलाई बुझाएका थिए । आफ्ना भाई बब्लु दुबेलाई परिचालन गरि बाराको बरियारपुर जंगलबाट केडियाको अपहरण गराएको प्रहरीले जनाएको छ । स्रोतका अनुसार केडियाका परिवारबाट अपहरणकारीले फिरौतिबापत १० करोड रुपैयाँ मागेका थिए । अपहरणपछि केडियालाई भारतको मोतिहारीमा लगेर राखेका थिए । नेपाल प्रहरी भारत बिहारको मोतिहारी र बेतिया प्रहरीसँंग समन्वय गरेर केडियाको खोजीमा जुटेको थियो । प्रहरीले अपहरणमा संलग्न भएको आरोपमा शंकास्पद पाँंच जनालाई पक्राउ गरेको छ । जसमध्ये एक नेपाली र एक भारतीयसहित दुईजना अपहरणको योजनादेखि सम्पूर्ण कार्यमा संलग्न भएको प्रहरीको दाबी छ । अनुसन्धानमै रहेको भन्दै प्रहरीले पक्राउ परेकाहरुको नाम सार्वजनिक गरेको छैन ।

birgunj Business man kidnap Suresh Kediya