दिल्लीलाई छट्पटी गराउंदै चीनबाट काठमाडौंका लागि हिड्यो रेल चीनको उत्तरपश्चिम प्रान्त कान्सुको राजधानी लान्चोउबाट प्रश्थान गरेको रेलको अगाडि पट्टि चिनियां भाषामा रातो व्यांनर टांगिएको छ । जसको नेपाली रुपान्तरण हो : दक्षिण एसियाली अन्तराष्टिय रेल यातायात, लान्चेउ सिगात्से काठमाडौं । बुधबारकाठमाडौं लक्ष्क्षित गरि यो रेल हिडेपछि काठमाडौंमा खुशी छाएको छ भने दिल्लीमा आंशकामा बढेको छ । भारतमा यस सन्र्दभमा सनसनी समाचार बनाइएको छ । ब्यानरमा गन्तव्य काठमाडौं लेखिएपनि रेल काठमाडौंसम्म आइपुग्दैन । सिगात्सेमा रेलबाट सामान झारिन्छ । त्यसपछि कन्टेनरमा हालेर सामान काठमाडौं ल्याइने छ । तर, यो रेल सेवाले चिनियां रेल काठमाडौं आउन अब धेरै समय नलाग्ने संकेत गरेको छ । डेड महिना लगाएर ल्याउनुपर्ने सामान अब १० दिनभित्रै काठमाडौं भित्रिनेछ । यसले खर्च र समयको कटौति गर्नेछ । संगै, चीन र नेपालको व्यापारिक दूरीपनि कम गर्नेछ । प्रधानमन्त्री केपी ओलीको चीन भ्रमणताका नेपालमा रेल मार्गको सम्भाव्यताका बारेमा चीनले अध्ययन गर्ने सहमति भएको थियो ।