दुनै डोल्पा ३१ वैशाख यार्सा मौसमको सुरुवातीसँगै डोल्पामा हुने गरेका चोरी, लुटपाट, हत्यालगायतका आपराधिक घटना न्यूनीकरणका लागि यस वर्ष पनि सशस्त्र प्रहरीको टोली डोल्पा पुगेको छ ।   यस वर्ष ६० जनाको टोली आज आइपुगेको जिल्ला प्रहरी कार्यालय डोल्पाले जनाएको छ । गत वर्षको यार्सा मौसमको सुरक्षाका लागि ४६ जनाको टोली डोल्पा आइपुगेको थियो । टोली सशस्त्र प्रहरी नायब उपरीक्षक नेतृत्वमा त्रिपुरा गण कोहोलपुरबाट आइपुगेको कार्यालयले जनाएको छ । विशेषगरी यस टोलीले यार्सागुम्बा बिक्रीका लागि छिमेकी राष्ट्र चीन जाने यार्सागुम्बा व्यापारीलगायत सर्वसाधारणको सुरक्षा पनि गरिने बताइएको छ । डोल्पा अन्य जिल्लाभन्दा भौगोलिक रुपमा ठूलो जिल्ला भएकाले जिल्लाभित्रको सुरक्षा टोलीले सुरक्षा दिन नसक्ने भएकाले २०७० र ७१ सालमा लगत्तै दुई वर्ष भएको करोडौँको लुटपाटलाई मध्यनजर राख्दै यस वर्ष हुने आपराधिक घटनाक्रममा सहयोग पुग्ने प्रमुख जिल्ला अधिकारी जीवनप्रसाद दुलालले बताएका छन ।शो टोली ठाँगे, धो, काइगाउँ, माझफाल र सदरमुकाम दुनैमा क्याम्प खडा गरेर बस्ने बताइएको छ । रासस