काठमाडौं  १ जेठ राप्रपा नेपालका केन्द्रिय सदस्य भुजुङ गुरुङ जुवा खेलिरहेको अवस्थामा काठमाडौंको नयाँबजारबाट पक्राउ परेका छन् ।शनिवार नयाँबजारको एक घरमा जुवा खेलिरहेको अवस्थामा गुरुङ सहित २४ जनालाई पक्राउ गरिएको महानगरीय प्रहरी वृत सोह्रखुट्टेका डिएसपी सोमेन्द्र राठौरले जानकारी दिए । भुजुङ गुरुङ राजधानीको ठमेलमा रहेको होटल मनाङको संचालक समेत हुन् ।नयाँबजारका तिनवटा जुवा खालबाट दुई दर्जनलाई पक्राउ गरेको प्रहरीले उनीहरुको साथबाट दुई लाख नगद र १ लाख ६५ हजारको चेक समेत बरामद गरेको छ । उनीहरुलाई जुवा ऐनअनुसार कारबाही प्रक्रिया अघि बढाइने प्रहरीले जनाएको छ ।