काठमाडौं जेठ १९ ।  मंगलबार परेको वर्षाका कारण काभ्रेमा दुईको मुत्यु भएको छ । एक जना बेपत्ता भएका छन ।  मृत्यु हुनेहरुमा पाचँखाल नगरपालीकाका ९ वर्षका आशिष काफ्ले र बनेपा ४ का ५८ वर्षका माहनबहादुर थापा रहेको जिल्ला प्रहरी कार्यालय काभ्रेले जनाएको छ । मंगलबार वेलुका हराएका टुकुचा नाला ८ का जितबहादुर सार्की भने वेपत्ता भएको र उनको खोजी कार्य जारी रहेको प्रहरीले जनाएको छ । भारी वर्षाले  बेनेपास्तिथ पुण्यवती नदीको पानी निकास नहुदा पानीले जलमग्न बुडोल र पुलबजारस्थित सयौ घर, पसल, र गोदामहरु डुवाएको थियो । त्यस्तै सगरमाथा ग्यास, चण्डेश्वरी ग्यासका सिलिन्डरसमेत बगाएको जिल्ला प्रहरी कार्यलय काभ्रेले जनाएको छ । क्षतीको यकिन विवरण भने आएको छैन । पुण्यवती नदी अतिक्रमण गरेर बनेका घर र कलकारखानाले साँघुरिएको नदीले बनेपा वर्षेनी डुवानमा पर्दै आएको छ ।

Flood Kavre