काठमाडाैँ  १९ जेठ नर्निर्माण प्राधिकरणले पाँच महिनाको अवधिमा एक हजार घरपरिवारलाई मात्रै अनुदानको पहिलो किस्ता उपलब्ध गराएको जानकारी दिएकाे छ  । व्यवस्थापिका संसदको विकास समितिको बैठकमा प्राधिकरणका प्रमुख कार्यकारी अधिकृत सुशील ज्ञवालीले हालसम्म एक हजार घरधनीलाई अनुदानको पहिलो किस्ता बापतको ५० हजार रुपैयाँ उपलब्ध गराइएको जानकारी दिए ।  प्राधिकरणले सोमबारसम्म ४७ हजार ९ सय २५ घरधनीसंग अनुदान संझौता गरिसकेको बताएको छ । भूकम्पबाट अति प्रभावित ११ जिल्लाको सर्वेक्षणको काम सम्पन्न भएको र ७ लाख १५ हजार २४ घरधनीमध्ये ३ लाख ९ सय ६१ घरधुरी अनुदान पाउने छनौट सूचीमा परेको प्राधिकरणले बताएको छ । त्यस्तै, ५५ वटा सामूहिक आवास निर्माणका लागि टेण्डर आह्वान प्रकृया अघि बढाइएकोसमेत प्राधिकरणले जनाएको छ । तर, भूकम्प गएको लामो समय भइसक्दा पनि प्रभावितले क्षतिपूर्ति पाउन नसकेको भन्दै सांसदहरुले प्राधिकरणको तीव्र आलोचना गरेका छन् । सर्वेक्षणको काम बैज्ञानिक नभएको, भूकम्प प्रभावित ९ हजार ६ सय विद्यालय पुनर्निर्माण गर्नुपर्ने भएपनि अहिलेसम्म कुनै काम अघि नबढेको भन्दै उनीहरुले प्राधिकरणको आलोचना गरेका हुन् ।।।