२०५९ सालमा माओवादी जनयुद्ध उत्कर्षमा थियो । युद्धले देश थिलोथिलो भएको थियो । सबैतिर शान्तिको कामना भइरहेको थियो । सोही मेसोमा अम्बर शान्ति सन्ध्या कार्यक्रममा पलेंटीमा बसे । उनले मर्मस्पर्शी शब्द बोले । कालजयी गीत गाए । सोही कार्यक्रमको दुलर्भ भिडियो नेपाल आजले प्राप्त गरेको छ । अम्बरको ओझपूर्ण बोली सबैको तर्पबाट, मलाई साथ दिने कलाकारको तर्फबाट, आयोजकको तर्फबाट, म यहाँहरुलाई हार्दिक अभिवाद ज्ञापन गर्न चाहन्छु । संगीतको बारेमा धेरै कुरा भन्न सकिन्छ । म एउटा सानो कुरा मात्र भन्न चाहन्छु । संगीत भौतिकताको निम्ती होइन । संगीत आध्यात्मिकताको निम्ती हो । र भावनाको निम्ती हो । हामी मान्छे भएर बाँचिरहेका छौँ, जति जति यन्त्रहरु वढ्दै गइरहेको छ, त्यति नै हामी यन्त्रिक हुन्छौँ । संगीतले चामल ल्याउँदैन, पैसा पनि दिँदैन । त्यो हाम्रो भौतिक अथवा दैनिक आवश्यकता हो । हामीलाई अर्को आवश्यकता पनि छ, त्यो हो मनको आवश्यकता । मानसिक आवश्यकता । आजको यो भागदौडमा हामी यति तनावग्रस्त छौँ । हामी यती प्रतिस्पर्धी भइरहेका छौँ एक अर्कामा । के हामीले मानविय मूल्य, मान्यता र भावनालाई विर्सिदै गइरहेका छौँ ? यो विर्सिएको भावना जो मानवतादेखि हामी विमुख हुँदै जाँदै छौँ त्यसलाई जगाउने प्रयत्नमा संगीतको निकै महत्वपूर्ण भुमिका हुन्छ । जस्तो उदाहरणको निम्ती भनौँ हामी प्रदुषको कुराहरु गर्दछौँ, प्रदुषणले रोग फैल्याउँछ भन्छौँ । तर हामीसँग अर्को प्रदुषण पनि छ । त्यो हो मनको प्रदुषण जसको बारेमा हामी कमै सोच्छौँ । हो त्यसरी नै मनको प्रदुषण हटाउनको निम्ती हामीले यो सानो आयोजना गरेको हो । हामीले गाउँने प्रयत्न गर्छौँ यहाँहरुले ध्यान दिएर सुनिदिनु भयो भने त्यसमा सन्देश पाउनुहुन्छ । यहां हेर्नुहोस् अम्बरको ओझपूर्ण बोली र कालजयी गीत । [embed]https://youtu.be/1YQ4uBW5qIY[/embed] यो भिडियो पत्रकार किर्तिजनार्दन जोशीले उपलब्ध गराएका हुन् । [caption id="attachment_4941" align="aligncenter" width="750"] पत्रकार किर्तिजनार्दन जोशी / तस्विर : गगन थापा[/caption]