युद्धको पूर्वअभ्यासमा विप्लव माओवादी, कालोमोसो, तोडफोडदेखि नेपालबन्दसम्म
राजावादीलाई फकाउने, संसदवादीलाई तर्साउने नीति
विप्लव नेतृत्वको माओवादीले जेठ २७ गते नेपाल बन्दको घोषणा गरेको छ । विभिन्न जिल्लामा पक्राउ परेका आफ्ना कार्यकर्ताको रिहाइको माग गर्दै माओवादीले नेपाल बन्दको आह्वान गरेको हो ।
माओवादीले देशैभरी भौतिक कारवाही तीब्र बनाएसंगै उसका कम्तिमा ८ कार्यकर्ता पक्राउ परेका हुन् । अन्य केहीलाईपनि प्रहरीले खोजिगरिरहेको बुझिएको छ । एकातिर भौतिक कारवाही तीब्र पार्ने, अर्कोतर्फ कार्यकर्ता छुटाउन माग गर्दै नेपाल बन्द आयोजना गरेर विप्लव नेतृत्वको माओवादीले युद्धको पृष्ठभूमी तयार गरिरहेको सो पार्टीलाई नजिकबाट नियांलिरहेकाहरुको बुझाइ छ । यसै आशयको अभिव्यक्ति जेठ दोस्रो साता सो पार्टीका युवा नेता दिपक चलाउनेले नेपाल आजसंगको अन्र्तवार्तामा दिएका थिए । उनका अनुसार राज्यको रवैया हेरेर युद्धको घोषणा गरिनेछ, राज्यको शैली यस्तै रहे युद्धको घोषणा हुन धेरै समय बांकी छैन ।
केही समययताका विप्लव माओवादीका गतिविधि हेर्दा राज्यलाई आक्रामक बनाउने र युद्धको बाध्यकारी अवश्था निम्त्याउने खालको देखिन्छ।
जेठ २५ गते धनगढी उपमहानगरपालिकाका इन्जिनियर द्विजराज भट्टराईलाई कालोमोसो दलियो । आर्थिक अनियमिततालगायतका आरोप ।
जेठ २४ गते विप्लव माओवादीका कार्यकर्ताले सिन्धुपाल्चोकको चौतरामा सेभ द चिल्ड्रेनको गाडीमा आगजनी गरे । सो आइएनजिओले राहत र पूर्ननिर्माणका नाममा ल्याएको अरबौं रुपैया हिनामिना गरेको माओवादीको आरोप छ ।
जेठ २० गते क्षेत्रिय सडक डिभिजन कार्यालय हेटौंडाका प्रमुख अमलेशकुमार कर्णलाई कालोमोसो दलियो । उनमाथि विप्लव माओवादीले घुसघोरीलगायतको आरोप लगाएको छ ।
जेठ १९ गते चितवनको कालिकास्थित चुनढुङ्गा उद्योगको स्काइभेटर र कर्मचारी बस्ने घरमा आगजनी । आगजनीका लागि कम्ब्याट ड्रेससहितको समुह परिचालन ।
बैशाख २१ गते कार्यकर्ता पक्राउ परेको विरोधमा काठमाडौंका शिक्षणसंस्था बन्द गरियो ।
बैशाख १५ गते काठमाडौंका जिल्ला शिक्षा अधिकारीलाई कालोमोसो लगाइयो, उनको कार्यालय तोडफोड भयो । उनीमाथि कार्यालयमा यौन शोषण गरेको, जथाभाविव विद्यालय बेच्दै हिडेको तथा कार्यालय बाहिर बढी समय बिताएको आरोप लगाइयो ।
चितवनको भरतपुर कैलाशनगर स्थित अजयबिक्रम शाहको १० बिगाह जग्गामा भुकम्प पीडितको टहरा हालियो । विप्लव माओवादीले निवेदन नै लिएर भुकम्प पीडितलाई टहरा हाल्न लगाएको हो । यसो गर्दा भुकम्प पीडितको सहानुभुति प्राप्त हुने र राज्य पक्षले निशाना बनाउंदा ठूलो पंक्ति राज्यप्रति असन्तुष्ट हुने विप्लव माओवादीको बुझाइ छ ।
बैशाख २५ गते मोर्डन इण्डियन स्कुलको गाडी तोडफोड गरियो ।
विप्लव माओवादीले कानून हातमा लिने गरी गरेका केही घटना हुन् यि । यि र यस्तै घटनामा संलग्न भएका भनिएका राष्ट्रिय युवा जनस्वयंसेवक महासंघका महासचिव बाबुराम किरातीसहित ८ जना पक्राउ परिसकेका छन् ।
विप्लव माओवादीले यस्ता गतिविधि बढाएसंगै सुरक्षा निकायले सो पार्टीका नेताकार्यकर्तामाथि निगरानी बढाएको छ । विप्लव माओवादी आक्रामक बन्दै जाने र सुरक्षा निकायले जवाफी कारवाही गर्दै जाने स्थिति बढ्ने संकेत देखिएको छ । यसो हुंदा माओवादी भुमिगत हुन बाध्य हुने र युद्धको घोषणा हुने माओवादी निकट नेताहरुको दाबी छ ।
माओवादी रणनीतिः संसदवादीलाई तर्साउने राजावादीलाई फकाउने
विप्लव माओवादीले देशका असन्तुष्ट पंक्तिलाई आफ्नो पक्षमा तान्ने रणनीति बनाएको छ । अहिलेको परिवेशमा सबैभन्दा बढी असन्तुष्ट पक्ष राजावादी शक्ति हो । विप्लव माओवादी र राजावादीको उद्देश्य फरक भएपनि निशानामा अहिलेको राजनीतिक कोर्स छ । यो विन्दुमा दुबै मिल्ने देखिन्छ । विप्लब माओवादीले सबै देशभक्तहरुको एकतामा जोड दिएको छ । देशभक्तहरुको सूचीमा पूर्वराजा र राजावादीपनि रहेका छन् । विप्लव माओवादीका केन्द्रीय सदस्य एंव पूर्व लडाकु कमाण्डर दिपक चलाउने यो राज्य सत्ताले पहिले राजालाई र अहिले माओवादीलाई धोका दिएको बताउछन् । जेठ दोस्रो साता नेपालआजलाई दिएको खुलस्त अन्र्तवार्तामा उनले १२ बुंदे सहमतिमा राजा फाल्ने सहमति नभएको तर राजा फालिएको बताएका थिए । राजा फर्कने संभावना नरहेको र राजतन्त्र फर्काउने आफूहरुको उद्देश्यपनि नरहेको प्रष्ट गरेका उनले राजावादीहरुसंगको सहकार्यमा भने जोड दिएका थिए । उनले शान्तिप्रक्रिया हुबहु लागू भएको भए राजतन्त्र रहिरहन्थ्यो भन्ने सनसनीपूर्ण र विवाद्स्पत अभिव्यक्तिपनि दिएका थिए ।
[embed][/embed]
चलाउनेले निशानामा संसदवादी दलहरु रहेको प्रष्ट संकेत गरेका थिए । हिजो राजालाई धोका दिएका दलहरुले अहिले प्रचण्ड र बाबुरामहरुसंग मिलेर माओवादीलाई धोका दिएको उनको आरोप थियो । उनले देशमा भ्रष्टाचार मौलाएको र जनताका आधारभुत आवश्यकता पूर्ति गर्नुको साटो झन्झन् महङ्गी बढेको भन्दै आक्रोश व्यक्त गरेका थिए । राज्यसत्ताको दलाल चरित्र नै समस्याको कारक रहेको चलाउनेले अन्र्तवार्तामा भनेका थिए ।
विप्लव माओवादीमा रहेका सबैभन्दा बरिष्ठ पूर्व लडाकुकमाण्डर चलाउने युद्धको घोषणा भइहालेमा फिल्ड कमाण्डर हुने निश्चितप्राय रहेको बताइन्छ । उनको अन्र्तवार्तापछि राजनीतिकवृत्तमा तरंग आएको थियो । सोसंगै माओवादीले भौतिक कारवाही बढाएपछि माओवादीले युद्धको पूर्वअभ्यास थालेको ठानिएको छ ।
यो पनि पढ्नुहोस: [embed]http://nepalaaja.com/%E0%A4%B8%E0%A4%B6%E0%A4%B8%E0%A5%8D%E0%A4%A4%E0%A5%8D%E0%A4%B0-%E0%A4%B8%E0%A4%82%E0%A4%B0%E0%A5%8D%E0%A4%98%E0%A4%B7-%E0%A4%A5%E0%A4%BE%E0%A4%B2%E0%A5%8D%E0%A4%A6%E0%A5%88-%E0%A4%B5%E0%A4%BF-2/[/embed] Biplav Maobadi Nepai politics Nepal aaja Nepali Politics War
