काठमाडाै‌ जेठ २६ । नेकपा एमालेका उपाध्यक्ष वामदेव गौतमले सरकार परिवर्तन हुने सम्भावना नरहेको बताएका छन् । प्रेस चौतारी नेपाल कास्कीले आयोजना गरेको पत्रकार भेटघाट कार्यक्रममा नीति तथा कार्यक्रम र बजेट कार्यान्वयन गरेर देशलाई आर्थिक समृद्धिमा उन्मुख गराउन सरकार अगाडि बढेकाले अहिले नै सरकार नढल्ने दाबी गरे । सरकारले ल्याएको बजेटले सबै क्षेत्रलाई छोएको दाबी गर्दै अझ यसले तराईको बाटोघाटो, खानेपानी र पूर्वाधार विकासमा ठूलो बजेट विनियोजन भएकाले तराईका जनता यो बजेटबाट धेरै नै खुसी भएका र उनीहरुले न्याय पाएको समेत जिकिर गरे ।