जेठ - २८, घरबिदा सक्याएर कार्यालय आउने क्रममा मोटरसाइकल दुर्घटना हुँदा दुई प्रहरी जवानको घटनास्थलमा मृत्यु भएको छ । मृत्यु हुनेमा महोत्तरी घर भएका प्रहरी जवान पवन मिश्र र अर्का दोलखा घरभएका प्रहरी जवान कुमार तामाङ्ग रहेको मध्यक्षेत्रीय ट्राफिक प्रहरी कार्यालय पथलैयाले जनाएको छ । घरबिदा सक्किएर जिल्ला प्रहरी कार्यालय पर्सामा कार्यरत प्रहरी जवान द्धय मिश्रा र तामाङ्ग पुर्वबाट पश्चिमतर्फ आउदै गरेको ना २ प ९६५७ नम्बर मोटरसाइकललाई बिपरीत दिशाबाट आएको को १ च ८७६६ नम्बरको कारले महेन्द्र राजमार्ग अन्र्तगत गढीमाइ नगरपालिका पिलुवा भन्ने नौं किलोमिटर स्थानमा शुक्रवार बिहान साढे १० बजे ठक्कर दिदाँ घटनास्थलमा नै दुबै प्रहरीको मृत्यु भएको जिल्ला प्रहरी कार्यालय बारा कलैयाका प्रहरी नायब उपरीक्षक बिनोद शर्माले बताए । ठक्कर दिने चालक र कार सिमरा प्रहरी नियन्त्रणमा रहेको तथा शव परिक्षणका लागि नारायणी उपक्षेत्रीय अस्पताल वीरगंजमा ल्याईएको प्रहरी प्रवक्ता शर्माले जानकारी दिए ।