जेठ २९ । स्पेनको राष्ट्रिय टोलीमा स्टार खेलाडी डिएगो कोष्टा, जुआन माटा र फर्नाण्डो टोरेस यूरोे २०१६ का लागि छानिएका छैनन् । स्पेनका प्रशिक्षक भिनसेण्ट डेल बस्कोले यूरोे २०१६ का लागि छनोट गरेको टोलीमा कोष्टा, माटा र टोरेसलाई समावेश गरेनन् ।

कोष्टाले अहिलेसम्म स्पेनका लागि १० खेल खेल्दै जम्मा १ गोल गरेका थिए । इङ्लिस क्लब चेल्सीबाट खेल्दै आएका २७ वर्षे कोष्टाले चोटका कारण प्रिमियर लिगका दुई खेल गुमाएका थिए ।

प्रशिक्षकले उनी चोटग्रस्त भएकाले आफूले जोखीम उठाउन नचाहेको स्पष्ट पारे । त्यस्तै स्पेनका लागि सबैभन्दा धेरै ५ गोल गरेका पेसो अलकेसर पनि यूरोेकप खेल्ने टिममा परेनन् ।