जेठ - ३०, बालिका अपहरण गरी लैजाँदै गरेको अवस्थामा मोरङ जिल्लाको नोचा गाविस ७ गडेरियास्थित सीमा नजिकैबाट जेठ २९ गते एपीएफ टोली र स्थानीय प्रहरीले अपहरित बालिकाको सकुशल उद्धार गर्नुका साथै एक जनालाई पक्राउ गरेको छ । पक्राउ पर्नेमा भारतको अररिया ग्राम पञ्चायत ८ रामपुर घर बताउने ३० वर्षिय बिनोद रिसिदेव रहेकाे एपीएफले जनाएकाे छ । सोही जिल्लाको नोचा गाविस ६ वस्ने २७ वर्षिय श्रीप्रसाद बैठाको छोरी ५ वर्षिया प्रतिमा बैठा हराएको भन्ने जानकारी पाएपछि खोजी कार्यको लागि सशस्त्र प्रहरी बल बोर्डर आउट पोष्ट नोचाबाट एपीएफ टोली खटिएको थियो । बालिकालाई भारततर्फ लिएर जाँदै गरेको अवस्थामा एपीएफ टोली र स्थानीय प्रहरीले निज रिसिदेवलाई सीमा नजिकैबाट पक्राउ गर्न सफल भएको हो । पक्राउ परेका रिसिदेवलाई आवश्यक कारवाहीको लागि स्थानीय प्रहरीलाई बुझाइएको छ ।

pakrawo