खनाल र पुन सशस्त्र प्रहरी अतिरिक्त महानिरीक्षकमा पदोन्नती
असार - ५, सशस्त्र प्रहरी अतिरिक्त महानिरीक्षकमा पदोन्नती भएका शैलेन्द्र खनाल र जीतबहादुर पुनलाई दर्ज्यानी चिन्ह प्रदान गरिएको छ । सशस्त्र प्रहरी महानिरीक्षक दुर्जकुमार राईले उनीहरुलाई दर्ज्यानी चिन्ह प्रदान गरेका थिए । मन्त्रीपरिषद् बैठकले केही दिनअघि उनीहरुलाई अतिरिक्त महानिरिक्षकमा बढुवाको निर्णय गरेको थियो । उक्त अवसरमा महानिरीक्षक राईले खनाल र पुनको योग्यता र कार्यदक्षताको कदर गरेर पदोन्नती गरिएको र उत्कृष्ट कार्यसम्पादनको अपेक्षा गरिएको बताए। 
