असार - ५। नेपाल खेलकुद पत्रकार मञ्च (एनएसजेएफ)ले यो वर्ष बजाज पल्सर स्पोर्टस् अवार्ड आगामी साउन महिनाको पहिलो हप्ता गर्ने भएको छ । 

अवार्डको १२औँ संस्करण आगामी साउन ६ गते गर्ने निर्णय गरिएको मञ्चले अाइतबार पत्रकार सम्मेलन गर्दै जानकारी दिएको छ । यो वर्ष विभिन्न आठ विधामा अवार्ड प्रदान गरिनेछ जसमा उत्कृष्ट पुरूष, महिला र युवा खेलाडी तथा वर्षका उत्कृष्ट प्रशिक्षकका अवार्ड हुनेछन् । त्यस्तै, लाइफटाइम अचिभमेन्ट अवार्ड, लोकप्रिय खेलाडी, वर्षका उत्कृष्ट पारा खेलाडी र स्पेशल अवार्डसमेत प्रदान गरिनेछ । त्यसमध्ये वर्षका उत्कृष्ट पुरूष, महिला र लोकप्रिय खेलाडीले जनही एउटा पल्सर मोटरसाइकल पाउनेछन् । त्यसैगरी, अन्य विधाका विजेताले रु ५० हजार पाउनेछन् ।

NSJF