बुधबार चाटर्ड विमानमाफर्त काबुलबाट शब ल्याउंदा मृतकका परिवारजन विमानस्थल हानिएका थिए । उनीहरु सबैको साझा पीडा थियोः परिवारजनको निधन । तर, पीडा उही भएपनि व्यक्तिपिच्छेका कथा बेग्लाबेग्लै थिए । बिल्कुलै भिन्न कथा थियो ः संचिता लामाको । काबुल आक्रमणमा ज्यान गुमाएका रुपन्देही बुटवल देवीनगरका जितेन्द्र थापाकी श्रीमती संचिता ४ महिने काखे छोरासहित विमास्थल पुगेकी थिइन् । यि यस्ती अभागी पात्र बनिन् जस्ले आफ्नो श्रीमानको शबसमेत बुझ्न पाइनन् । किनकी उनी जितेन्द्रकी दोस्री श्रीमती थिइन् । थापाका दुईवटा श्रीमती मध्ये जेठी बुटवल बस्थिन् । सरकारी रेकर्डअनुसार शब बुटवल नै लैजाने भइयो ।

सौता माथि लगेर संचितालाई पहिले नै नियतीले ठगेको थियो, त्यसमाथि दैबले श्रीमान छिन्यो । हुंदाहुंदा प्रशासनले शब अन्तै लगिदियो । पीडाको पहाड छातिमा राखेकी संचिताले चोट खप्न सकिनन् । उनको हंसले ठांऊ छोड्यो ।संचिताको रोधनले विमानस्थलको वातावरण झनै खल्बलियो । धेरैको आंखा छचल्किए । पशुपतिमा आत्मदाह गर्ने भन्दै भुंइमै पछारिइन् ।

संचिता र जितेन्द्रको उमेरपनि मिल्दैनथ्यो । अनमेल विवाह गरेकी संचिताको दाम्पत्य जीबन लामो समय टिकेन । छोराको न्वारनमा आइ फर्केका जितेन्द्र कहिल्यै नउठ्ने गरी बाकशभित्र पल्टिएर फर्के । जितेन्द्रको शब बुटवल लग्ने भएपछि उनीपनि हवाइमाध्यमबाट बुटवल हानिइन् । जहां पहिलो पटक जम्काभेट भयो ः गौतमी थापासंग । जेठी पत्नी गौमती थापाको कोखबाट जितेन्द्रका २ छोरा भइसकेका थिए । लक्काजवान किशोरवयका दुई छोरा र पत्नी घरमा हुंदाहुंदै जितेन्द्रले अर्की विहे गरेका थिए । पहिलो पटकको भेट श्रीमानको शबमाथि हानथाप गर्न भइरहेको थियो । हुने हार दैब नटार भनेको सायद यही हो । श्रीमानको शब कस्को हातमा पर्ने भन्ने प्रतिश्प्रर्धाजस्तै चल्यो ।

अन्ततः दुबैले सरसल्लाह गरेर शबदाह गर्ने निष्कर्ष प्रशासनले निकाल्यो । शबदाहको समस्या टरेको छ । सरकारले दिने भनि घोषणा गरेको १० लाख र कम्पनीले मौखिकरुपमा दिने भनेको भनिएको झण्डै ५५ लाखको विवाद सुल्झिसकेको छैन । प्रेमको पोखरीमा हाम्फालेकी संचिता अहिले सोक र सन्तापको समुन्द्रमा धकेलिएकी छन् ।

kabul bomb attack kabul victim kabul's tragedy in kathmandu