वीरगन्ज ११ असाढ १५ वर्षिय बालिका लाई गर्भवती बनाएको आरोपमा एक पुजारीलाई पर्सा प्रहरीले पक्राउ गरेको छ । जिल्ला धनुषा घर बताउने विगत लामो समय देखि जिल्ला पर्सा, जगरनाथपुर गाविस वडा ७ स्थित रहेको हनुमानजीको मन्दिरमा पुजारीको रुपमा काम गर्दै आईरहेका ७२ वर्षिय पुजारी बाबा रामदेव दासलाई पक्राउ गरेको जिल्ला प्रहरी कार्यालय पर्साका प्रमुख राजुबाबु श्रेष्ठले बताएका छन । विगत एक डेढ वर्ष देखी आफुलाई खाना वनाई खुवाउदै आईरहेकी वर्ष १५ की बालिकालाई विगत ५ महिना देखि करणी गरी गर्भसमेत बोकाई फरार रहेका बाबालाई आज पक्राउ गरि थप अनुसन्धान भईरहेको प्रहरीले जनाएको छ ।