असार ११,  काठमाडौं नेत्रविक्रम चन्द विप्लव नेतृत्वको नेकपा माओवादीले एनसेलको बेस स्टेशनमाथी आक्रमण गरेको आरोपमा आफ्ना कार्यकर्ता धमाधम पक्राउ परेपछि जनसंघर्षका कार्यक्रम ल्याउने तयारी गरेकाे छ । कार्यकर्ता रिहाईका लागि बारम्बार माग गर्दा समेत सरकारले बेवास्ता गरेको भन्दै माअाेबादीले जनसंघर्षका कार्यक्रम ल्याउन लागेकाे हाे । कार्यक्रमको रुपरेखा कस्तो हुने भन्ने विषयमा भने केही खुलाएका छैन। जनताले आफ्नो सत्ता स्थापनाका लागि जनस्तरबाट काम कारबाही गर्दा सरकारले त्यसको दमन गर्ने काम गर्यो । त्यसकाे बदलामा कडा स‌ँघर्षका कार्यक्रम ल्याउने तयारी गरेका छाैँ हामी चाँडै जनसंघर्षका कार्यक्रम ल्याउँदैछौँ । विप्लव माओवादीका प्रवक्ता खड्गबहादुर विश्वकर्मा प्रकाण्डले  भने । उनले जनताको सहभागितामा जनसंघर्षको कार्यक्रम हुने समेत स्पष्ट पारे । वर्तमान केपी ओली नेतृत्वको सरकार नालायक, राष्ट्रविरोधी र जनविरोधी भएको उनको आरोप छ ।

biplab maoist sturgel