काठमाडौं असार १२ । त्रिवि शिक्षण अस्पताल महाराजगञ्जका प्राध्यापक डा. गोविन्द केसीले आइतबार आन्दोलनका कार्यक्रम घोषणा गर्ने भएका छन् । मेडिकल माफियाविरुद्ध आन्दोलनरत डा. केसीले चोर बाटोबाट मनमोहन प्रतिष्ठान ल्याउन खोजिएको भन्दै आन्दोलनका कार्यक्रम घोषणा गर्न लागेका हुन् । डा. केसीले चिकित्सा क्षेत्रका बेथिति रोक्न सरकारलाई दबाव दिने उद्देश्यले पटक–पटक आमरण अनसन बस्दै आएका छन् ।

पुराना सम्झौता हालसम्म पनि सरकारले कार्यान्वयन नगरेको र माथेमा आयोगको प्रतिवेदनविपरीत चोर बाटोबाट मनमोहन प्रतिष्ठान ल्याउन खोजेकाले केसीले आन्दोलन घोषणा गर्न लागेको बताइउको छ । आन्दोलनका कार्यक्रम घोषणा गर्न केसीले आइतबार दिउंसो एक बजे त्रिवि शिक्षण अस्पताल महाराजगञ्जमा पत्रकार सम्मेलन आयोजना गरेका छन् ।

Dr. Gobinda Kc