असार - १४ । एमालेका पूर्वमहासचिव स्वर्गीय मदन भण्डारीको ६५औ जन्मजयन्तीका अवसरमा प्रज्ञा भवन कमालादीमा विशेष कार्यक्रम गरियाे । आयोजित कार्यक्रममा 'मदन भण्डारी राष्ट्रिय पुरस्कार २०७१' समाजसेवी तथा वैज्ञानिक महाविर पुनलाई प्रदान गरिएको छ । त्यस्तै 'मदन भण्डारी राष्ट्रिय पुरस्कार २०७२' डाक्टर भगवान कोइरालालाई प्रदान गरियो । पुरस्कार राष्ट्रपति बिद्यादेवी भण्डारीद्वारा प्रदान गरिए हो । सो कार्यक्रममा प्रधानमन्त्री, प्रमुख प्रतिपक्षी दलका नेता शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड , कूटनीतिक नियोगका प्रमुख लगायतको उपस्थिति थियो । स्वर्गीय भण्डारीको ६५औ जन्मजयन्तीका अवसरमा उनीहरुलाई सो पुरस्कार प्रदान गरिएको हो ।