सहायकमन्त्री लामाद्वारा सम्पत्ति विवरण सार्वजनिक, ३० तोला सुन
मन्त्रिपरिष्द तथा प्रधानमन्त्री कार्यालयमा बुझाउनुभएको सम्पत्ति विवरणमा श्रीमती मेनुका राईको नाममा रहेको उक्त घर उहाँले स्वआर्जनमा बनाएको उल्लेख गर्नुभएको छ । सहायकमन्त्री लामाको काभ्रेपलाञ्चोकको दाप्चा काशीखण्ड नगरपालिकामा पैतृक सम्पत्तिका रुपमा सगोलमा रहेको १३ रोपनी जग्गा र घर आमा डोलकुमारी लामाको नाममा रहेको छ । उहाँसँग स्वआर्जन तथा दाइजो गरी ३० तोला सुन र २०० तोला चाँदी रहेको छ ।
त्यसैगरी राष्ट्रिय वाणिज्य बैक काठमाडौँको गौशाला शाखामा रहेको खातामा स्वाआर्जनको रु दुई लाख तथा एभरेष्ट बैँक मैतिदेवीमा तलवभत्ताबापत प्राप्त गरेको रु पाँच लाख रकम रहेको छ । कान्तिभैरव बचत तथा ऋण सहकारी संस्था अत्तरखेलबाट उहाँले ऋण लिएको उल्लेख गरे पनि कति लिएको भन्ने सम्पत्ति विवरणमा खुलाइएको छैन । उहाँसँग टोयोटा जिप, होण्डा मोटर साइकल, डियो स्कुटी रहेकोमा सबै स्वआर्जनबाट खरिद गरेको उल्लेख गरिएको छ । सहायकमन्त्री लामाको ‘क’ वर्गको धुकुधु कन्स्ट्रक्सन कम्पनी प्रालि सञ्चालनमा रहेको सम्पत्ति विवरणमा उल्लेख गरिएको छ । रासस
