बर्ष २०१६ कै सर्वा्धिक प्रतिक्षित फिल्म बनेको सलमान खान स्टारर ’सुल्तान’ रिलिज हुँदैछ । ईदको अवसर पारेर प्रदर्शनमा आउन लागेको फिल्मले वक्सअफिसमा कैयौं रेकर्ड ब्रेक गर्ने अनुमान वलिउड पण्डितहरुले लगाएका छन् । त्यसो त सलमान खानका यसअघिका सबै फिल्मको ओपनिङ विजनेस ’सुल्तान’ले तोड्ने निश्चित जस्तै छ । सलमानको सर्वा्धिक ओपनिङ गर्ने फिल्ममा ’प्रेम रतन धन पायो’ माथी छ, यो फिल्मले पहिलो दिन ४० करोड ३५ लाखको विजनेस गरेको थियो । दोश्रो नम्बरमा एक था टाईगर’ छ जुन फिल्मले ३३ करोड विजनेस गरेको थियो । वलिउड बक्सअफिसमा सर्वाधिक ओपनिङ कलेक्शन भने शाहरुख खानको फिल्म ’हेप्पी न्यू ईएर’को छ । उक्त फिल्मले ४४ करोड बढिको ओपनिङ विजनेस गरेको थियो । त्यो रेकर्ड तोडिने समेत वलिउड सिने वृत्तमा चर्चा छ । सुल्तानले पहिलो दिन ४५ करोडको आसपास विजनेस गर्ने अनुमान लगाईएको छ । ईदको विदा अनि एडभान्स वुकिङबाट रिलजि पहिले नै हल भरिनुले यसको संकेत गर्छ । नेपालमा मात्रै ’सुल्तान’लाई ३ करोड २० लाख मोटो रकम खर्चेर ल्याईएको छ । नेपाली मल्टिप्लेक्समा पनि यो फिल्मको बुकिङ आक्रामक छ ।

salam to break shahrukh record salman khana and shahrukh khan