काठमाडाैँ २१ असार गृहमन्त्रालयले स्लाम धर्मावलम्बीको पर्व ईद ईदुल्ल फित्रका अवसरमा बुधबार सार्वजनिक बिदा भनी आएको समाचारमा गृहमन्त्रालयले आफ्नो ध्यानाकर्षण भएको जनाएको छ । मन्त्रालयका सहायक प्रवक्ता झम्कनाथ ढकालले  विज्ञप्ति जारी गर्दै  केही अनलाइन समाचारमा आएका समाचारप्रति ध्यानाकर्षण भएको जनाएका हुन्  । भोलि बिदा हो की होइन भन्ने अन्यौलका बीच गृहमन्त्रालयले जारी गरेको विज्ञप्तिले थप अन्यौल भने निम्ताएको छ । इदका दिन पहिले नै सार्वजनिक बिदा दिने निर्णय भइसकेको भएपनि भोलि बिदा हुने बारेमा गृहमन्त्रालयले आधिकारिकरुपमा केही भन्न नसक्ने गृहको तर्क छ । गृहका प्रवक्ताद्वारा जारी विज्ञप्तिमा मुस्लिम समुदायको इद पर्व चन्द्रमाको उदयसंग सम्बन्धित हुने भएकाले कहिले बिदा भन्ने बारेमा गृहले एकीन गर्न नसकेको हो । उसले बिदाको आधिकारिक सूचना वेभसाइटमा प्रकाशित गरिनेपनि स्पष्ट गरेको छ ।