महामन्त्री कोइराला अहिले पूर्ण रुपमा होसमा
असार - २३ । नेपाली काँग्रेसका महामन्त्री डा शशाङ्क कोइरालाको स्वास्थ्यमा सुधार हुँदै गएको र उहाँ खतरामुक्त रहेको उपचारमा संलग्न चिकित्सकले बताएका छन् ।
चिकित्सकका अनुसार महामन्त्री कोइरालाको रक्तचाप, अक्सिजनको मात्रा र पिसाबमा बुधबारका तुलनामा आज निकै सुधार हुँदै गएकाले बेलुकीसम्म भेन्टिलेटर झिकिने छ । अहिले उहाँको रक्तचाप १२०-८०, मुटुको धड्कन ९०-८० र युरिन पास ६० एमएल प्रतिघन्टा भएको अस्पतालका एमडी हरिकिशोर श्रेष्ठले जानकारी दिए ।महामन्त्री कोइराला अहिले पूर्ण रुपमा होसमा अाइसकेकाे र उनले कुराकानी पनि गरेको अस्पतालले जनाएको छ । एमडी श्रेष्ठले भने – “अहिले उहाँ पूर्ण रुपमा होसमा आइसक्नुभएको छ । हामीले औषधिको मात्रा पनि घटाएका छौँ । उहाँको स्वास्थ्य अवस्था हिजोको भन्दा बिहान र बिहानको भन्दा अहिले धेरै राम्रो भएको छ ।”
यसैबीच नेपाल प्रेस युनियनका महासचिव अजयबाबु शिवाकोटीले आज विज्ञप्ति जारी गर्दै नेता कोइराला पुनः स्वस्थ जीवनशैलीका साथ पार्टी जीवनमा फर्कने विश्वासका साथ स्वास्थ्यलाभको कामना गरेको छ ।
र याे पनि
►शशांककाे अवस्था खतरामुक्त, भेन्टिलेटरबाट बाहिर निकालियाे
►शशांककाे लागि अस्पतालमा स्वस्ती शान्ति
►ओम हस्पिटलले पत्रकार सम्मेलन गर्दै, प्रचण्ड र शक्ति बस्नेत ओममा
►कोइरालाको अवस्था गम्भीर, सुधार नभएसम्म यहीँ उपचार गराउन डाक्टरकाे सुझाव
