विश्व क्रिकेट लिग च्याम्पियनसिपमा नेपालसँग खेल्ने नेदरल्याण्ड्सको टोली घोषणा
असार २४ विश्व क्रिकेट लिग डिभिजन च्याम्पियनसिप अन्तर्गत नेपालसँगको खेलका लागि नेदरल्याण्ड्सले १६ सदस्यीय टोली घोषणा गरेको छ । पिटर बोरेनको कप्तानीमा छनोट भएको टोलीमा टीम ग्रुइटर्सले दुई वर्षपछि डच टोलीमा स्थान बनाएका छन् । छनोटमा हुन सफल अन्य खेलाडीहरुमा विकेटकिपर वेस्ले बारेसी, मुदासार बुखारी, बेन कुपर, भिभियन किंगमा, असन मलिक, स्टेफन मइवर्ग, म्याक्स ओ डोड, माइकल रिप्पोन, पिटर सिलर, सेन स्नाटर, टीम भान डेर गुटेन, रोलेफ भान डेर मर्वे, पउल भान मिकेरन र सिकन्दर जुल्फिकर रहेका छन् । च्याम्पियनसिपमा अन्तर्गत नेपाल र नेदरल्याण्ड्सबीचको खेल नेदरल्याण्ड्को घरेलु मैदानमा साउन २९ र ३१ गते हुनेछ ।
