हालैको विस्तारपछि मोदी मन्त्रीमण्डलको सदस्य संख्या ७८ पुगेको छ । भारतीय प्रधानमन्त्री नरेन्द्र मोदीले हालै मात्र ५ मन्त्रीलाई हटाएर १९ जना नयाँ नियुक्त गरेका थिए । ७८ मन्त्री मध्ये ७२ मन्त्री करोडपति हुन् । भारतको नेशनल इलेक्शन वाच र एसोसिएसन फर डेमोक्रेछिटक रिर्फमले रोचक आँकडा सार्वजनिक गरेको हो । सबैभन्दा सम्पत्ती एमजे अकबरसँग ४४. ९० करोड भारु छ । त्यस्तै दोस्रोमा पीपी चौधरीसँग ३५.२५ करोड र विजय गोलयसँग २९.९७ करोड सम्पत्ती रहेको रिपोर्टमा उल्लेख गरिएको छ । मोदी मन्त्रिमण्डलभित्रकै नौ मन्त्रीको सम्पत्ती ३० करोडबढी छ, जसमा अरुण जेटली समेत पर्छन् । सबैभन्दा कम ६०.९७ लाख सम्पत्ती भएका मन्त्री अनिल माधव दवे हुन् । नौ महिला मन्त्रीहरु मध्ये ३३ वर्षीया अनुप्रिया पटेलको सबैभन्दा धेरै सम्पत्ती रहेको छ । कुुल ७८ मन्त्रीमध्ये २४ विरुद्ध अपराधिक मुद्दा छ । यस मध्ये तीनविरुद्ध हत्या प्रयास, सम्प्रदायिक सदभाव भड्काएको र चुनावी हिंसासँग जोडिएका गम्भीर आरोप छ ।

India Narendra modi