फाईनलमा पोर्चुगलसंग पराजित भएका फ्रान्सका एन्टोनी ग्रिजम्यानले युरोकप २०१६ को गोल्डेन बुट प्राप्त गरेका छन् । ६ गोल गरेका ग्रिजम्यानले प्रतियोगिताको सर्वाधिक गोलकर्ता बन्दै गोल्डेन बुट जितेका हुन् ।

उनले तीन गोल गरेका पोर्चुगलका कप्तान क्रिष्टियानो रोनाल्डो तथा फ्रान्सकै ओलिभर जिरउडसहितका खेलाडीलाई पछि पार्दै गोल्डेन बुट जितेका हुन् । एथ्लेटिको मड्रिडबाट खेल्ने ग्रिजम्यानले अन्तिम १६ मा रिपब्लिक अफ आयरल्याण्डसँगको खेलमा दुई गोल गरेका थिए ।

यस्तै क्वाटरफाइनलमा आइसल्याण्ड विरुद्धको खेलमा पनि उनले गोल गरेका थिए । यस्तै सेमिफाइनलमा जर्मनी विरुद्ध पनि ग्रिजम्यानले दुई गोल गरेका थिए । उनले त्यसअघि समूह चरणमा अल्बानियासँगको खेलमा एक गोल गरेका थिए ।

Golden Boot Grizman