असार २८ । यस वर्षको ‘राष्ट्रिय प्रतिभा पुरस्कार–२०७३’ प्राडा कृष्णबहादुर थापा, विष्णुभक्त फुयाँल, अजितकुमार साह, सरोज ओलीलाई प्रदान गरिने भएको छ ।

संस्कृति, पर्यटन तथा नागरिक उड्डयनमन्त्रालयले यस वर्षको सो पुरस्कार संस्कृत विधातर्फ थापा, सङ्गीत तथा नाट्य विधातर्फ फुयाँल, भाषा तथा साहित्य विधातर्फ ओलीलाई प्रदान गर्न लागेको मन्त्रालयका प्रवक्ता घनश्याम उपाध्यायले जानकारी दिनुभयो । सो चार विधामा पुरस्कृत हुने प्रत्येक सष्टालाई रु एक लाख र सम्मानपत्र प्रदान गरिनेछ ।

त्यस्तै, यसवर्षको क्षेत्रीय प्रतिभा पुरस्कार संस्कृति विधामा पूर्वाञ्चलबाट डा देवी दुलाल (इलाम), माध्यमाञ्चलबाट डा गोपालभक्त धोवञ्जा (काठमाडौँ), मध्यपश्चिमाञ्चलबाट डा राजकुमार सुवेदी( बाँके) र सुदूरपश्चिमाञ्चल विकास क्षेत्रबाट डा खगेन्द्र घोडासैनी (अछाम) रहनुभएको छ ।

त्यस्तै, सङ्गीत तथा नाट्य विधामा पूर्वाञ्चलबाट कृष्ण साह यात्री (उदयपुर), माध्यमाञ्चलबाट गीता थापा (काठमाडौँ), पश्चिमाञ्चलबाट रामभक्त जोजिजु (कास्की), मध्यपश्चिमाञ्चलबाट विष्णुबहादुर थापा (बर्दिया) र सुदूरपश्चिमाञ्चलबाट शङ्करसिंह विष्ट (दार्चुला) रहनुभएको छ ।

त्यस्तै, ललितकला विधामा पूर्वाञ्चलबाट अनुराधा थापा (मोरङ), माध्यमाञ्चलबाट सुरेश प्रधान (काठमाडौँ), पश्चिमाञ्चलबाट मन गोल्डी (रुपन्देही), मध्यपश्चिमाञ्चलबाट सागर शाह (सल्यान) र सुदूरपश्चिमाञ्चलबाट भोजबहादुर ऐर (कैलाली) रहनुभएको छ ।

त्यस्तै, भाषा तथा साहित्य विधामा पूर्वाञ्चलबाट चर्तुर्भूज्लालदास केवरत (मोरङ), माध्यमाञ्चलबाट रेवतीरमणलाल दास (जनकपुर), पश्चिमाञ्चलबाट सन्तु श्रेष्ठ (बाग्लुङ), मध्यपश्चिमाञ्चलबाट पृथ्वीबहादुर सिंह (सुर्खेत) र सुदूरपश्चिमाञ्चलबाट रामलाल जोशी (कैलाली) रहनुभएको छ ।

क्षेत्रीय प्रतिभा पुरस्कार पाउने सष्टालाई रु ५० हजार र सम्मानपत्र प्रदान गरिनेछ । रासस