असार - २८ । पूर्वपश्चिम राजमार्गअन्तर्गत झापाको बिर्तामोड नगरपालिका–१ चारपाने सडकखण्डमा भएको सवारी दुर्घटनामा परी आज एक वृद्धको मृत्यु भएको छ । मृत्यु हुनेमा शनिअर्जुन–४ का ७२ वर्षीय डिल्लीराम खनाल रहेको जिल्ला ट्राफिक प्रहरी कार्यालय झापाले जनाएको छ । पश्चिमबाट पूर्वतर्फ जाँदै गरेको मे४प ७५३३ नंको मोटरसाइकलले घाग्रा पुल नजिकै उनलाई ठक्कर दिएको थियो । मोटरसाइकलको ठक्करबाट गम्भीर घाइते बनेका खनालको उपचारको क्रममा बिर्तामोडस्थित बिएन्डसी अस्पतालमा उपचारका क्रममा मृत्यु भएको प्रहरीले जनाएको छ । रासस